पप्पांच्या आठवणींचा कार्यक्रम

You are always with us, Pappa.

२०१७ नोव्हेम्बर 

प्रिय पप्पा,

हा ब्लॉग लिहायला मला जवळपास सहा महिने लागले. ऑफिसहून परत आल्यावर जेव्हा जेव्हा मी लिहिण्याचा प्रयत्न करायचे तेव्हा तेव्हा सगळे videos बघून तुमच्या आठवणींमध्ये खूप उदास वाटायचं. पहिला अनुभव असल्यामुळे मला समजत नव्हतं की हे सगळं कसं accept करायचा असतं ते. First experience of bereavement could really be difficult. Maybe वेळेसोबत आपण पुढे जात राहतो.

कुठून सुरुवात करू पप्पांविषयी लिहिताना ?
शांत स्वभाव, अतिशय साधी राहाणी, पापभिरू वृत्ती, शिस्तीची खास आवड, टापटीप, प्रेमळ आणि सगळ्यांची काळजी करणं. तुम्ही हे सगळं करत होतात, अथकपणे, अनेक वर्षं. You have truly been the gem of a person.

२०१२ जानेवारी 

तुम्हाला मी जवळजवळ १० वर्षं ओळखत  होते. I  remember your smile the most. ह्या फोटोमध्ये आहे अगदी तशीच. तुम्ही generally आनंदी असायचात. नेहमीच!!! You seemed content all the time. Happy. Hopeful. Full of life. Always!!!

तुम्हाला प्रत्येक गोष्टीमध्ये interest असायचा. I always wondered about your enthusiasm about going to different places. Your stamina was incredible in spite of having health issues. You would always push me and Mandar for weekend outings. तुम्ही दर शनिवारी सकाळी विचारायचात - आज कुठे जाऊयात ?

You always had your errands to run; कधी भाजी आणायला तर कधी पूजेसाठी फुलं आणायला, कधी मित्राला भेटायला तर कधीतरी फक्त कोणाला सोबत म्हणून. तुमच्या पायाला चाकं लागलेली होती. तरीही कधी कधी तब्येतीमुळे तुम्हाला घरीच आराम करावा लागायचा.

I enjoyed with you always, but the most exciting times were when we were into gardening. आपली झाडं तुमची खूप आठवण काढतात. खूप फुलं येतात पप्पा.

घरची फुलं 

               

 

एक गोष्ट जी अनेकांना जमत नाही ती तुम्ही सहजपणे जगात होता, ती म्हणजे प्रत्येकाला त्याच्या गुण - दोषांसकट accept करणं . I truly admired that you loved your people with all their positives and negatives.

नोव्हेंबर २०१६

गेल्या वर्षी तुमच्या आठवणींचा कार्यक्रम केला आपल्या घरी. People had  so many good things to talk about you, Papa. They were missing your presence that day. त्यांच्याकडे अनेक छान छान आठवणी आहेत तुम्ही दिलेल्या.

या ब्लॉग मध्ये अनेक videos आहेत. त्यांची एक common link इथे दिली आहे. https://photos.app.goo.gl/oK8XQrgTKDxvy6Do1

रविदादांनी तुमचे अनेक किस्से सांगितले . He is missing you, मामा पेक्षा मित्र म्हणून अधिक . तुमच्याकडून त्यांनी ज्या गोष्टी आत्मसात केल्या त्याविषयी पण आठवण सांगितली . तुमच्या धार्मिकपणाविषयी सुद्धा ते बोलले.

VIDEO # 1

मीनल वहिनीने गाडी चालवण्याचे धडे तुमच्याकडून घेतले होते. तिने तुमच्या काटक आणि कामसू वृत्तीबद्दल सुद्धा सांगितलं. तुमच्या अंगी असलेली स्वच्छतेची आवड आणि मन लावून कोणतंही काम कसं करायचं याविषयी वहिनीने काही आठवणी सांगितल्या. तुम्ही कधीही कुणाला लागेल असं बोलल्याचं कुणाला आठवत नाही पप्पा . तुम्ही बोलू शकत नव्हता असं मुळीच नव्हतं पण, तुम्ही नेहमीच समोरच्या माणसाच्या मनाचा जास्त विचार करायचात. एखाद्याला वाईट वाटेल असे शब्द तुम्ही वापरल्याचे कुणालाही आठवत नाही. 

VIDEO # 2

Then Ravi Dada also shared his nostalgia on Ganapati festival and Papa being part of it with Wadikars... 

VIDEO # 3

Everybody wanted to talk about you . Thoughts were just flowing one after the other. There is so much of good karma earned by you, it was showing in everyone's speech. सुलभा काकू, उमा काकू, शशी आत्या , प्रकाश काका, श्रीनिवास दादा, विद्या काकू - सगळ्यांनी तुमच्या निरनिराळया आठवणी सांगितल्या. 

VIDEO # 4

सुलभा काकूंची "थालीपीठ - शेंगदाण्याच्या चटणीची" आठवण, प्रमोद मामाने सांगितलेली "आईला भाकरी करायला शिकवली" ती आठवण. मग रविदादांनी "Mahindra Day ची" आठवण सुद्धा सांगितली. २००६ च्या पूरामध्ये पप्पानी कंपनीची एक अतिशय मौल्यवान machine कशी वाचवली होती त्याची आठवण करून दिली. 

बोलता बोलता मानसी आणि मंदार ने सुद्धा महिंद्रा डे विषयीच्या खाऊ आणि खेळण्यांच्या आठवणी सांगितल्या. प्रमोद मामा म्हणाले की, ते नेहमी  मस्करीमध्ये तुम्हाला म्हणायचे - "४० वर्षं नोकरी केलीस. रोज एक खिळा आणला असतास तरी एवढ्या वर्षांत एक संपूर्ण गाडी बनवता आली असती." पण प्रामाणिकपणाचं बेंचमार्क तुम्ही आखून दिलं होतं पप्पा.

२०१४

तुम्ही गुपचूप काही गोष्टी tape recorder वर रेकॉर्ड करायचंय अशी आठवण सुद्धा प्रमोद मामांनी सांगितली. 

तुम्हाला नेहमी तुमच्या गोष्टींविषयी अभिमान वाटायचा . तुम्ही नेहमी "सातारा , महिंद्रा" अशा सगळ्या गोष्टींविषयी अस्मिता बाळगली पण कधीच अहंकार दाखवला नाही. You have always been down to earth. 

तुम्ही आम्हाला नेहमी सांगत आलात की कुणाचं चुकलं तरी दुर्लक्ष करा वादात पडू नका. 

मे २०१६

मंदार JJ ला होता तेव्हा तो दीड दोन दिवसांनी घरी यायचा त्यामुळे पप्पा सगळं आवरून लवकर झोपण्याच्या तयारीत असायचे. तुमच्या मुळेच मला रात्री लवकर झोपण्याची चांगली सवय लागली .

मंदारला बरं नव्हतं तो संपूर्ण काळ आणि त्याच्या surgery चा काळ आमच्या साठी खूप कठीण होता . पण पप्पांच्या आधारामुळे तो काळ पुढे सरकू शकला. तुम्ही स्वतःच्या चेहऱ्यावर कधीच tension दाखवलं नाही. तुम्हालाही tension होतंच . पण आम्ही कुठेही डगमगू नये म्हणून, तुम्ही नेहमी खंबीर चेहऱ्याने समोर आलात. सतत हिम्मत देत राहिलात . I MISS THAT SUPPORT PAPPA . I MISS YOUR PRESENCE.

मानसीने महिंद्रा मधून मिळणाऱ्या हॉटेल व्हाऊचर ची आठवण सांगितली. तुमच्या सोबत प्रमोद मामा किंवा उदय दादा किंवा राजूकाका अशी एखादी तरी extended family असायची. You really loved all your people. 

VIDEO # 5

नंतर रविदादांनी तुमच्या Vicks वापरण्याच्या आठवणीविषयी सांगितलं. Bike बद्दल प्रचंड आकर्षण असल्यामुळे तुम्ही सर्रास ती वापरायचात. मग काय लावा Vicks. काही वेळा तुम्ही accident पण face केलेत याच नादापायी, मामा आणि प्रकाश काका आठवणीने सांगत होते. वस्तू जपून कशा वापराव्यात किव्वा कशा पुरवून घ्याव्यात याबद्दल पण तुम्ही फार काटेकोर होतात असं मानसी सांगत होती. तुम्हाला सगळ्या वस्तू जागच्या जागी लागत असत. आणि आता ती सवय मला लागली आहे.

२०१५

प्राची मामी जुन्या आठवणींना उजाळा देत भक्ती आणि तुमच्याविषयी सांगत होती. भक्ती लहान असताना  तुम्ही "च" च्या भाषेत तिला चडीवे (वेडी) म्हणायचात आणि मग ती सुद्धा तुम्हाला "च" च्याच भाषेत चहीना (नाही) असं उत्तर द्यायला लागली.  

२६ ऑगस्ट २०१५

तिला नोकरी लागल्यानंतरचा अजून एक किस्सा मामीने सांगितला. भक्तीला ऑफिसला जायला कधी कधी उशीर व्हायचा. ऑफिसला जायचा रास्ता एकच असल्यामुळे, भक्ती नेहमी पप्पांना विचारायची कि "काका, माझी ऑफिस बस आली का? आली असेल तर थांबवून ठेवा मी येतेच आहे" आणि अशा प्रकारे पप्पा भक्तीसाठी बस थांबवून ठेवायचे.

अलिबाग (Photo Courtesy - अथर्व क्षीरसागर )

डॉक्टर काकांनी सुद्धा खूप छान छान आठवणी सांगितल्या आणि त्यांच्या "पप्पांविषयीच्या भावना" व्यक्त केल्या. रामायणातल्या लक्ष्मणाविषयीची पौराणिक माहीती सांगून काकांनी अतिशय मार्मिक शब्दात लक्ष्मण या नावाची व्याप्ती पटवून दिली आणि पप्पांच्या स्वभावातले गुण अधोरेखित केले जे रामायणातल्या लक्ष्मणामध्ये होते. तुमची गोंदवलेकर महाराज आणि प्रभू रामाविषयीची श्रद्धा काकांनी विशेषकरून उल्लेखित केली. मुंबईमधले रस्ते आणि कोणती वस्तू कुठे मिळेल याविषयीच्या माहितीमुळे तुम्ही नेहमीच resourceful  होतात . दवाबाजारातून तुम्ही अनेकवेळा काकांना लागणारी औषधे किव्वा instruments इथून पाठवायचात असं काका म्हणाले. भूल देण्याची machine साताऱ्यामध्ये सर्व प्रथम काकांनी आणली ही माहिती अनेकांना माहिती नसेल. पण काकांनी ती माहिती देताना पप्पांनी ती मुंबईत S T  बस वर चढवून देण्यात कशी मदत केली हे ही आवर्जून सांगितलं . तुमच्या शाब्दिक कोट्या करण्याच्या मिष्कीलपणाच्या आठवणीपण काकांनी सांगितल्या. त्यांनी तुमच्या सायकलवरच्या सफरींबद्दल पण सांगितलं. तुमच्या बागकामाविषयीच्या प्रेमाबद्दल काकांनी आवर्जून उल्लेख केला.

VIDEO # 6

२०१५ विष्णू जी कि रसोई मुंबई 

शशी आत्यांनी रामायणातल्या एका गोष्टीचा दृष्टांत देत पप्पांच्या सोशिक वृत्तीबद्दल माहिती दिली. नंतर श्रीनिवास दादांनी त्यांच्या पुस्तक प्रकाशनाच्या आठवणीबद्दल आवर्जून सांगीतलं. ९४ सालची आठवण सांगताना दादा म्हणाले  होता पण पप्पा आणि  दोघेही मुंबईहून गेले होते अँड प्रकाशनाच्या वेळी जमेल तशी मदत सुद्धा केली होती. पापांच्या दांडग्या उत्साहाबद्दल सांगताना दादा म्हणाले कि मोठी पातेली उचलायची असतील, किंवा अंगमेहनतीची कामं असतील तरी पप्पा नेहमी तयार असायचे.

VIDEO # 7

आविष्कारने पप्पांच्या अनेक आठवणी share केल्या . त्याने नेहमी पप्पांमध्ये "एक मित्र" पहिला. ऑफिसमधला  पप्पांचा meticulous attribute सांगताना त्याने ऑडिट चा एक किस्सा सांगितला. त्यांच्या पुण्याच्या सोसाटीमधल्या लहान मुलांमध्ये पप्पा किती प्रसिद्ध होते ते पण तो सांगत होता.

२०१३

VIDEO # 8

२०१३

मंदारने त्याच्या बालपणाच्या काही आठवणी सांगितल्या. भर दुपारी उन्हात खेळायला जायचं असो किंवा एखादी नवीन गोष्ट करायची असो, पप्पा नेहमीच त्याला बिनधास्तपणे पुढे जा म्हणायचे. पप्पा नेहमी त्याला शाळेतून आणि आता कामावरून आल्यावर "आज काय मजा केली?" असं विचारायचे, हे त्याला खूप आठवतं. ते  खूप ओरडून रागावल्याचं मंदारला आजतागायत  आठवत नाही. ते मुलांना नेहमी सतत फिरवायचे.  पप्पांकडून त्याने नेहमी "आहे त्यात समाधानी राहण्याची " चांगली गोष्ट शिकली. त्यांनी कधीही मुलगा मुलगी असा भेद  केला नाही. महिंद्राची नोकरी त्याने ४० वर्षं इमाने इतबारे केली. ते नेहमी म्हणायचे "थंडी असो, ऊन असो, पाऊस असो -  थांबणार नाही". ते आत्येला "आई" म्हणून मान द्यायचे. आणि सगळ्या भावाबद्दल पराकोटीचं प्रेम होतं त्यांच्या मनात.

मनोज काकांनी  त्यांच्या काही जुन्या आठवणी सांगितल्या.

VIDEO # 9

शोभा काकूने आणि रणधीर काकांनी पप्पांविषयीच्या रक्षाबंधनाच्या काही आठवणी सांगितल्या. 

VIDEO # 10

२०१४

श्रीनिवास दादांनी पप्पांच्या बालपणाच्या  काही करामती सांगितल्या. ते खूप active होते. सतत ते कोणत्यातरी activity मध्ये busy असायचे. शशी आत्यांनी हि मुलं  असताना सिनेमा बघून आल्यावर गुपचूप घरात कसे प्रवेश करायचे ते सांगितलं. 

विद्याकाकू सांगत होत्या कि, डॉक्टर काका गाडी चालवायची कशी हे शिकवताना त्यांना ओरडायचे, पण मग पप्पांनी शांतपणे न चिडता काकूला पण गाडी चालवायला शिकवली. सुट्टीत सातारला गेल्यावर पप्पा vacuum cleaner घेऊन घर स्वच्छ करायचे.  रविदादांनी मानसीच्या पहिल्या वाढदिवसाची आठवण सांगितली. मानसीने अलीकडची swimming शिकायची आठवण पण share केली .                 
प्रमोद मामाने पण दोनचाकी चारचाकी सगळं काही पप्पांकडून शिकले. त्यांनी आणि पप्पांनी मिळून ट्रॅव्हल साठी omni विकत घेतली होती. 

आठवणी न संपणाऱ्या आहेत. तुम्ही दिलेलं प्रेम न संपणारं आहे. थोडक्यात सांगायचं म्हणजे प्रत्येकाला तुम्ही काहीनाकाही तरी नवीन शिकवलं, पप्पा. आणि आम्हा सगळ्यांना तुमचा लाघवी स्वभाव खूप आवडायचा . तुमचं सगळ्यांविषयीचं खरंखुरं प्रेम, सगळ्यांबद्दल आपुलकी हे खूप आठवतंय सगळ्यांना. त्यामुळे पुढे एकच motto लक्षात ठेऊ जे तुम्ही नेहमी आचरणात आणलं "जो कर हस कर कर". 

JUST BE WITH US , ALWAYS.

WE ALL LOVE YOU, FOREVER.

अलिबाग (Photo Courtesy - अथर्व क्षीरसागर )

VIDEO # 11

https://drive.google.com/open?id=1UwDz23Em_8t-ha1bj2bWJlsEelGGUqNb

(Video heavy असल्यामुळे त्याची link इथे देत आहे. कृपया link वर क्लिक केल्यास video सुरु होईल. एका मिनिटाचा video आहे.)